ක්‍රීඩා භෞතචිකිත්සාව යනු භෞත චිකිත්සාව තුළ ඇති ක්‍රීඩා හා ව්‍යායාමවලට අදාළ අනතුරු තක්සේරු කිරීම සහ ප්‍රතිකාර කිරීම සඳහා විශේෂිත කාණ්ඩයකි
ක්‍රීඩා භෞතචිකිත්සකවරයාගේ අවධානය,
අනතුරකින් පසු ක්‍රියාකාරීත්වයෙන් පිටත සිට සම්පූර්ණ ක්‍රියාකාරීත්වයට නැවත පත් වන තුරු ක්‍රීඩකයෙකුගේ ක්‍රියාකාරිත්වය සහ සංවර්ධනය කෙරෙහි යොමු වේ.
ක්‍රීඩා භෞතචිකිත්සකවරයාගේ ඉලක්කය
"හැකි ඉක්මනින් ක්රීඩකයා වේදනාවෙන් මුදවා නමුත් ඔවුන්ගේ උපරිමයෙන් ක්රියා කිරීමට සැලැස්වීම ය"
ක්‍රීඩා භෞතචිකිත්සකවරයාගේ කාර්යභාරය
ක්රීඩකයාට ආවේණික ප්‍රතිකාර සැලැස්මක් සකස් කිරීම.
අනතුර නැවත සිදුවීම වැළැක්වීම සඳහා ක්රීඩකයා අනතුරට පසු නැවත ශක්තිමත් කිරීම
පුහුණුවීම් හෝ තරඟ වලදී අනතුරක් (Acute injury) හෝ අසනීපයක් සඳහා සුදුසු පරිදි ප්‍රතිචාර දක්වන්න. අනතුර හි ස්වභාවය අනුව වේදනාව සඳහා ප්‍රතිකාර ලබා දීමෙන් වේදනාවට ක්ෂණික සහනයක් ලබා දේ.
වර්තමාන හා පෙර අනතුරු පිළිබඳව සැලකිලිමත් හා සවිස්තරාත්මක පරීක්ෂණයක් කරයි.
අනතුරහි මූල හේතුව හඳුනා ගන්නා අතර අනතුරු සිදු වීමට හේතු වූ සාධක හඳුනා ගනී. භෞත චිකිත්සකයින් විශේෂිත ව්‍යායාම සහ ප්‍රතිකාර ලබා දීමෙන් අනතුරු වලින් සුවය ලැබීමේ වේගය සහ සුව කිරීමේ කාලය වැඩි දියුණු කිරීම කෙරෙහි අවධානය යොමු කරයි.
තනි පුද්ගල ප්‍රතිකාර සැලැස්මක් සංවර්ධනය කිරීම; සකස් කළ ප්‍රතිකාර සැලසුම් ද වැදගත් ය. නිශ්චිත ප්‍රතිකාර සැලැස්ම පුද්ගලයාගේ දුර්වලතා මත පදනම් වන අතර වර්තමාන හා පෙර අනතුරු සීමාවන් සඳහා වෙනස්කම් කළ හැකිය. ක්රීඩකයාට ඔහුගේ පූර්ණ හැකියාවන් සඳහා මෙය වැදගත් වේ. අනතුරු නැවත සිදුවීම වැළැක්වීම සහා ක්රීඩකයා නැවත ශක්තිමත් කිරීම සිදු කරයි.
අනතුරක් සඳහා නැවත ඇති කළ හැකි අවදානම් සාධක හඳුනාගෙන ඒවා වැළැක්වීම සඳහා සැලැස්ම ක්‍රියාත්මක කරයි. ක්‍රීඩාවට සුදුසු ශක්තියක් ගොඩනැගීමට එය සහාය වනු ඇත.
අනතුරක Acute හා Subacute අවධීන්ගෙන් පසු පුනරුත්ථාපනය ආරම්භ වේ. සාක්ෂි පදනම් කරගත් මැදිහත්වීමෙන් (Evidence based practice) සැලසුම් කිරීම, ක්‍රියාත්මක කිරීම, ඇගයීම සහ වෙනස් කිරීම තුළින් ප්‍රශස්ත මට්ටමේ ක්‍රියාකාරීත්වයට නැවත පැමිණීමට සලස්වයි.
ලිහිල් කිරීම දිරිගැන්වීමෙන් නිරෝගී ශරීරයක් තිබීම, සතුටින් සිටීම හා සෞඛ්‍ය සම්පන්න පුද්ගලයකුට මඟ පෑදිය හැකිය.
හෘදයේ යෝග්‍යතාවය, විඳදරාගැනීම සහ හුස්ම ගැනීම වැඩි දියුණු කිරීම සඳහා භෞත චිකිත්සකයින් හෘත්ඵුප්ඵුශීය පුහුණුව (Cardiopulmonary training) ලබා දේ.
මාංශ පේශි හා සන්ධි වල නම්‍යශීලී බව වැඩි දියුණු කිරීමෙන් අනතුරු වළක්වා ගත හැකිය.
නිශ්චිත ක්‍රීඩාවක කාර්ය සාධනය ප්‍රශස්ත කිරීම සඳහා භෞතික චිකිත්සක නිළධාරීන් ක්‍රීඩකයන්ට උපදෙස් දීම හෝ මැදිහත් වීම සිදු කරයි
සඳුනි තක්ෂිලා
References
https://complete-physio.co.uk/sports-physiotherapist/
https://www.melbournesportsphysiotherapy.com.au/blog/2018-1/7-benefits-of-sports-physiotherapy-melb